11:20 - 21.12.2022
21 dekabr, Fineko/abc.az. G7 ölkələri və Avstraliya tərəfindən Rusiya neftinə 60 dollarlıq qiymət limiti və ixrac embarqosu tətbiq edildikdən sonrakı 1 tam həftə ərzində (12-16 dekabr) Rusiya neftinin ixacı 54% azalıb.
ABC.AZ xəbər verir ki, bu barədə “Bloomberg” agentliyi məlumat yayıb.
Qeyd edilib ki, embarqodan sonrakı həftə ərzində Rusiya neftinin ixracı 1,84 milyon barel azalaraq 1,6 milyon barelə düşüb.
Nəşr yazır ki, bu vəziyyətə Rusiyadakı neft borularındakı qəzalar da səbəb olub. Belə ki, Sakit Okean istiqamətinə neft ixracı ümumiyyətlə 4 dəfə azalıb.
