14:19 - 27.07.2022

---

27 iyul, Fineko/abc.az. “B.Sərdarov adına Maşınqayırma Zavodu” törəmə açıq səhmdar cəmiyyətinin (TASC) təşkilati-hüquqi forması dəyişdirilib, nizamnamə kapitalı artırılıb.

ABC.AZ xəbər verir ki, “B.Sərdarov adına Maşınqayırma Zavodu”nun təşkilati-hüquqi forması TASC-dən MMC-yə dəyişib.

“B.Sərdarov adına Maşınqayırma Zavodu” TASC-nin Iqtisadiyyat Nazirliyi yanında Əmlak Məsələləri Dövlət Xidmətinin 135 nömrəli, 21 iyul 2022-ci il tarixli sərəncamı ilə təşkilati-hüquqi forması dəyişdirilərək, yenidən təşkil edilməklə “B.Sərdarov adına Maşınqayırma Zavodu” Məhdud Məsuliyyətli Cəmiyyətinə (MMC) çevrilmiş və nizamnamə kapitalı 16 milyon 61 min manat həcmində müəyyən edilmişdir",- zavodun məlumatında bildirilir.

“B.Sərdarov adına Maşınqayırma Zavodu”nun nizamnamə kapitalı 4 milyon 205 min 622 manat artırılıb. İndiyədək zavodun nizamnamə kapitalı 11 milyon 855 min 378 manat idi.