12:30 - 8.07.2022

---

8 iyul, Fineko/abc.az. İyulun 14-də “Bakı Fond Birjası" QSC-də (BFB) “TBC Kredit” BOKT MMC-nin ümumi dəyəri 1 milyon manat olan  istiqrazlarının yerləşdirilməsi üzrə hərrac keçiriləcək.

Bu barədə ABC.AZ BFB-yə istinadən xəbər verir.

Sənədə əsasən, söhbət hər birinin nominal dəyəri 1 000 manat olan 1 000 ədəd istiqrazdan gedir.  Qiymətli kağızlar 2 il tədavüldə olacaq.

Onların illik gəlirliliyi 12 %-dir. Faizlər hər 6 aydan bir ödəniləcək.

Prosesin anderrayteri “AzFinance İnvestisiya Şirkəti” QSC-dir.