15:54 - 17.03.2022
17 mart, Fineko/abc.az. İqtisadi artıma təsir edən mühüm amillərdən olan qeyrineft-qaz sektoru üzrə əsas kapitala investisiya qoyuluşları ötən ilin müvafiq dövrünə nisbətən bu ilin iki ayında 12,1% artıb.
ABC.AZ-ın məlumatına görə, bunu İqtisadiyyat naziri Mikayıl Cabbarov özünün tviter səhifəsində qeyd edib.
Nazir qeyd edib ki, 2022-ci ilin yanvar-fevral aylarında qeyri-neft məhsulları ixracı əvvəlki ilin müvafiq dövrü ilə müqayisədə 39,3% artaraq 461,5 mln. dollar təşkil edib.
Bu, qeyri–neft sektorunda ixrac potensialının və milli iqtisadiyyatın rəqabət qabiliyyətinin artmasının müsbət nəticəsidir.
