15:00 - 17.03.2022

---

17 mart, Fineko/abc.az. 2021-ci ildə fiziki şəxslər tərəfindən Türkiyədən Azərbaycana həyata keçirilən pul köçürmələrinin həcmi 107,767 mln. ABŞ dolları təşkil edib.

ABC.AZ xəbər verir ki, Mərkəzi Bankın məlumatları əsasında aparılan hesablamalara görə, bu, 2020-ci illə müqayisədə 41,1% çoxdur.

2021-ci ildə fiziki şəxslər tərəfindən Azərbaycandan Türkiyəyə göndərilən pul transfertlərinin həcmi isə 181,483 mln. dollar təşkil edib ki, bu da əvvəlki illə müqayisədə 54,5% çoxdur.

Qeyd edək ki, Türkiyədən Azərbaycana göndərilən transfertlərinin ölkəyə ötən il daxil olmuş pul baratlarının 9,5%-ni təşkil edib.