10:45 - 17.03.2022

---

17 mart, Fineko/abc.az. 2021-ci ildə Azərbaycanda kapitalın repatriasiyasının (ölkədən çıxarılan kapital) həcmi 6,908 mlrd. ABŞ dolları təşkil edib.

ABC.AZ Mərkəzi Banka istinadən xəbər verir ki, bu göstərici ötən ilin eyni dövrü ilə müqayisədə 54,5% artıb.

Qeyd edək ki, tədiyə balansında birbaşa investisiyalar maddəsinin neft-qaz sektoru üzrə xalis maliyyə öhdəliklərinin (-2,903 mlrd. dollar) cəlb olunmuş investisiya ilə (4,005 mlrd. dollar) kapitalın repatriasiyası arasındakı fərqdən formalaşır.