London Birjası Rusiya ilə əlaqədə olan 27 şirkətlə qiymətli kağız ticarətini dayandırdı

12:32 - 3.03.2022

3 mart, Fineko/abc.az. London Fond Birjası (LSE) cümə axşamı Rusiya ilə sıx bağlı olan 27 şirkətin qiymətli kağızlarının ticarətini dayandırıb.

ABC.AZ xəbər verir ki, bu barədə "Financial Times" qəzeti yazır.

Adıçəkilən Birjadan bildirilib ki, belə bir addım “Ukraynada baş verən hadisələr ilə əlaqədar olaraq bazarlardakı vəziyyəti tənzimləmək” məqsədilə qəbul edilib.

Şirkətlər arasında En+ Group (Rusal-ın nəzarət paketinə sahibdir), Sberbank, Qazprom, Lukoil və Polyus da var.