10:58 - 14.02.2022

---

14 fevral, Fineko/abc.az. “Premium Bank” ASC-nin Müşahidə Şurasının üzvlərindən biri dəyişdirilib.

ABC.AZ banker.az-a istinadən xəbər verir ki, bank səhmdarlarının qərarı ilə Gülbəniz Ağayeva Hüsü qızı Müşahidə Şurasına üzv seçilib.

M.Ş.-nin digər üzvü Rəşad Gülmalıyev Tofiq oğlu vəzifəsindən ayrılıb. Hazırda M.Ş. sədri olan Elçin Əhmədovla yanaşı cəmi iki üzv vardır.

Xatırladaq ki, “Premium Bank” 1993-cü ildə “AZAL Bank” adı ilə yaradılıb, 2008-ci ildə adını “Silk Vey Bank”a dəyişib, 2018-ci ildə isə yenidən rebrendinq edib. Onun nizamnamə kapitalı 104.6 milyon manatdır.