11:47 - 5.01.2022

---

5 yanvar, Fineko/abc.az. Uorren Baffetin "Apple" şirkətinə yatırdığı sərmayəsi onun ən gəlirli sahələrindən biri olub.

ABC.AZ-ın məlumatına görə, sözügedən sərmayə Baffetə 120 milyard dollar gəlir gətirib.

Qeyd edək ki, "Berkshire Hathaway" şirkəti 2016 və 2018-ci ilin ortalarında "Apple"ın səhmlərini alıb.

Bu satınalmalardan sonra holdinq "iPhone" istehsalçısının 5 faizinə sahib olub.

Sözügedən prosesdə səhmlərin ümumi dəyəri 36 milyard dollar olduğu halda, "Apple"a yatırılan investisiyanın ümumi dəyəri hazırda 160 milyard dollar səviyyəsindədir.