16:25 - 24.11.2020

---

24 noyabr, Fineko/abc.az. Avropa Yenidənqurma və İnkişaf Bankı  Azərbaycan hökumətinə 10 mln. avro məbləğində kredit ayırıb.

ABC.AZ-ın məlumatına görə, sözügedən vəsaitlə Gəncə şəhərində bərk tullantıların toplanması infrastrukturu modernləşdiriləcək.

Əməliyyat və maliyyə səmərəliliyinin yaxşılaşdırılmasının da daxil olduğu layihəni Gəncə Şəhər Mənzil-Kommunal Təsərrüfatı İstehsalat Birliyi icra edəcək.

Qeyd edək ki, layihənin əsas məqsədi – Gəncə şəhərində tullantıların toplanması xidmətinin ətraf mühit, sağlamlıq və təhlükəsizlik standartları baxımından yaxşılaşdırılmasıdır. Hazırda layihə konsepsiya yoxlamasından keçib və yekun yoxlamanı gözləyir.