16:40 - 8.09.2020
8 sentyabr, Fineko/abc.az. Bakı Fond Birjasında Maliyyə Nazirliyinin 20 mln. manat həcmində, 1092 gün tədavül müddətli dövlət ortamüddətli istiqrazlarının yerləşdirilməsi üzrə hərracı keçirilib.
ABC.AZ-ın məlumatına görə, hərrac zamanı 12 investor tərəfindən qiyməti intervalı 92.5067 AZN (12.0501%) və 100.7775 (8.6999%) olan 17 sifariş təqdim edilib.
Maliyyə Nazirliyinin qərarına əsasən istiqrazların kəsmə qiyməti 97.4871 (9.9900%), orta ölçülmüş qiyməti 97.7505 (9.8847%) müəyyən edilib. Sifarişlərin nominal qiymətlə ümumi məbləği 75,490,300.00 AZN yerləşdirilmiş həcmi isə 30 mln. manat təşkil edilib. İstiqrazların ödəmə tarixi 5 sentyabr 2023-ci ildir.
