12:28 - 7.07.2020

---

7 iyul, Fineko/abc.az. "Ölkəmizdə elektrik enerjisi istehsalı ehtiyaclarını, su potensialını və su qıtlığını nəzərə alaraq, kiçik su elektrik stansiyaları ilə bağlı inkişaf strategiyamızı işləyib hazırlaycağıq. Bu sahənin özəl sektorun cəlbi ilə inkişafı isə əsas hədəflərdən biridir”.

ABC.AZ-a verilən məlumata görə, bunu Energetika naziri Pərviz Şahbazov Energetika, Ekologiya və Təbii Sərvətlər nazirliklərinin, “Azərnerji” ASC, “SNC-Lavalin’s Atkins”, BP və Böyük Britaniyanın Azərbaycandakı səfirliyinin nümayəndələrinin iştirakı ilə keçirilən tədbirdə bildirilib.

Tədbirdə BP-nin Azərbaycan, Gürcüstan və Türkiyə üzrə regional prezidenti Qari Cons isə bildirib ki, Azərbaycanın zəngin karbohidrogen ehtiyatları var. O bildirib ki, bununla belə hökumətin enerji keçidi ilə bağlı siyasəti təqdirəlayiqdir.

Müəllif: Elmir Murad