16:47 - 19.06.2020

---

19 iyun, Fineko/abc.az. İsrailin “Israir Airlines" aviaşirkəti Bakı ilə Təl-Əviv arasında birbaşa aviareys həyata keçirəcək.

ABC.AZ-ın report-a istinadən məlumatına görə, bunu İsrailin Azərbaycandakı səfirliyindən bildiriblər.

Qeyd olunub ki, uçuşlar iyunun 24-də baş tutacaq.

Uçuş əsasən Azərbaycanda qalmış İsrail vətəndaşlarına istiqamətlənib.

Qeyd edək ki, İsrail hava yollarını xarici ölkə vətəndaşları üçün sərhədləri avqustun 1-dən açacaq. Azərbaycanın hava limanları müntəzəm uçuşlar üçün avqustun 1-nə qədər bağlı qalacaq. Ölkədə karantin rejimi tətbiq edildikdən bəri isə yalnız xüsusi çarter reyslərinə icazə verilir.