14:45 - 6.05.2020
6 may, Fineko/abc.az. Bakı Fond Birjasında Mərkəzi Bankın 50101779S dövlət qeydiyyat nömrəli, 150 milyon manat həcmində, 28 gün tədavül müddətli qısamüddətli notlarının yerləşdirilməsi üzrə hərrac keçirilib.
ABC.AZ xəbər verir ki, hərrac zamanı 8 investor tərəfindən qiyməti 99.4773 AZN (6.76%) olan 13 sifariş təqdim edilib.
Sifarişlərin nominal qiymətlə ümumi məbləği 224 milyon 557 min 200 manat olub.
Mərkəzi Bankın qərarına əsasən notların kəsmə qiyməti 99.4773 AZN (6.76%), orta ölçülmüş qiyməti 99.4773 AZN (6.76%) müəyyən edilib. Hərrac nəticəsində notların yerləşdirilmiş həcmi 150 milyon manat təşkil edib.
Notların ödəmə tarixi 03.06.2020-ci ildir.
