16:09 - 21.04.2020
21 aprel, Fineko/abc.az. Bugün Bakı Fond Birjasında Maliyyə Nazirliyinin AZ0104004772 ISIN-li, 20 mln. manat həcmində, 364 gün tədavül müddətli dövlət qısamüddətli istiqrazlarının (DQİ) yerləşdirilməsi üzrə hərrac keçirilib.
Bu barədə ABC.AZ-a BFB-dən məlumat verilib.
Qeyd edilir ki, hərrac zamanı 10 investor tərəfindən qiyməti intervalı 88,5514 AZN (13.00%) və 93,4916 AZN (6.99%) olan 15 sifariş təqdim edilmişdir.
Maliyyə Nazirliyinin qərarına əsasən istiqrazların kəsmə qiyməti 93,4916 AZN (6.99%), orta ölçülmüş qiyməti 93,4916 AZN (6.99%) müəyyən edilib. Sifarişlərin nominal qiymətlə ümumi məbləği 71,100,600 AZN yerləşdirilmiş həcmi isə 20 mln. manat təşkil edilmişdir.
Bildirilir ki, istiqrazların ödəmə tarixi 20 aprel 2021-ci ildi.
