11:46 - 5.12.2017

---

5 dekabr, Fineko/abc.az. Bakının əsas kapitalına yönəldilən vəsaitlər  2017-ci ilin yanvar-oktyabr aylarında 11 301,8 milyon manat təşkil etmişdir.

Bakı şəhər Statistika İdarəsinin məlumatında deyildiyi kimi, Azərbaycanın əsas kapitalına qoyulan investisiyalar cari ilin yanvar-oktyabr aylarında 12 536,5 milyon manat təşkil etmişdir. Beləliklə, ölkənin bütün kapital qoyuluşlarının 90,2 faizi Azərbaycanın paytaxtına düşür. Cari ilin yanvar-oktyabr aylarında  Bakı şəhəri üzrə qoyuluşarın ümumi həcmindən tikinti-quraşdırma işlərinə 8 046,9 milyon manat (71,2%) yönəldilib.

Dövlət investisiyalarının payına  3 729,6 milyon manat (33%), fərdi investisiyaların payına isə 7 459,2 milyon manat düşür (67%).

İdarədə həmçinin qeyd olundu ki, tikinti işlərinin  87,6 faizi fərdi şirkətlər tərəfindən yerinə yetirilmişdir.