12:09 - 14.09.2026

---

14 sentyabr, Fineko/abc.az. Azərbaycan Respublikası Qida Təhlükəsizliyi Agentliyi (AQTA) Gəncə şəhəri, M.A.Abbaszadə küçəsində yerləşən, Nəsimi Abbaszadəyə məxsus çörək istehsalı müəssisəsində reyd keçirib.

Yoxlama zamanı müəssisədə ciddi anti-sanitar şərait, təmiz olmayan alət və avadanlıqlar, istifadə edilən suyun gigiyenik tələblərə cavab verməməsi və işçilərin şəxsi gigiyena qaydalarına riayət etməməsi müəyyən olunub.

Aşkarlanmış nöqsanlarla bağlı inzibati protokol tərtib olunub və nöqsanlar aradan qaldırılanadək sexin fəaliyyəti məhdudlaşdırılıb.