12:06 - 11.09.2026

---

11 sentyabr, Fineko/abc.az. “Azəri Med” MMC dərman vasitələrini Tarif Şurası tərəfindən təsdiqlənmiş qiymətdən baha satdığı üçün cəzalandırıla bilər.

Antiinhisar və İstehlak Bazarına Nəzarət Dövlət Agentliyi şirkətin "Dərman vasitələri haqqında" Qanunun tələblərini pozduğunu müəyyən edərək inzibati protokol tərtib edib.

İnzibati Xətalar Məcəlləsinin 221.3-cü maddəsinə əsasən, tənzimlənən qiymətdən yuxarı dərman satışına görə hüquqi şəxsləri 3 000 manatdan 5 000 manatadək cərimə gözləyir.

Qeyd edək ki, 2004-cü ildə qeydiyyata alınan 14.1 milyon manat nizamnamə kapitalına malik “Azəri Med” MMC-nin direktoru Famil Rəhimlidir.