17:00 - 21.08.2026

---

21 avqust, Fineko/abc.az. S&P Global tərəfindən hesablanan Avrozonanın Ümumi Satınalma Menecerləri İndeksi (Bileşik PMI) avqust ayında iyuldakı 52 bənddən 52,1 bəndə yüksəlib.

Göstərici "Bloomberg" analitiklərinin 51,7 bəndlik proqnozunu üstələyib.

Regionun aparıcı iqtisadiyyatlarında fərqli dinamika müşahid olunub. Almaniyada Ümumi PMI 51 bəndə düşsə də, İstehsalat PMI 52,2-dən 54,1 bəndə yüksəlib. Fransada isə Ümumi PMI 48,8 bəndə enərək iqtisadi kiçilmənin dərinləşdiyini göstərib, İstehsalat PMI isə 51,5 bənd təşkil edib.

S&P Global Market Intelligence-in baş iqtisadçısı Kris Uilyamson bildirib ki, istehsalat sektoru bərpa üzrə liderliyini qoruyur. İqtisadi artım və şirkətlərin yenidən işçi qəbuluna başlaması fonunda inflyasiya təzyiqlərinin qalması Avropa Mərkəzi Bankının sert pul-kredit siyasətini saxlayacağını və faiz dərəcələrinin artırılması ehtimalının gündəmdə qaldığını göstərir.