16:22 - 10.08.2026

---

10 avqust, Fineko/abc.az. Cari ilin yanvar-iyul aylarında Azərbaycanda əsas kapitala 11 milyard 111,9 milyon manat məbləğində investisiya yönəldilib.

Dövlət Statistika Komitəsinin məlumatına görə, bu göstərici ötən ilin eyni dövrü ilə müqayisədə real ifadədə 10,7% çoxdur.

Hesabat dövründə qeyri-neft-qaz sektoruna yatırılan investisiyaların həcmi isə 1,9% artaraq 7 milyard 403,3 milyon manat təşkil edib.