16:36 - 1.07.2026

---

1 iyul, Fineko/abc.az. Bakı Fond Birjasının (BFB) Listinq Komitəsinin qərarı ilə "Kapital Bank" ASC-nin ümumi dəyəri 50 000 000 manat olan faizli, təmin edilməmiş, sənədsiz və adlı istiqrazlarının kütləvi ticarətinə icazə verilib.

ABC.AZ BFB-nin rəsmi məlumatına istinadən xəbər verir ki, qiymətli kağızların abunə yazılışı prosesi 3 iyul 2026-cı il tarixində başlayacaq və 1 avqust 2026-cı il tarixinədək davam edəcək. Emissiyanın anderrayteri qismində “PAŞA Kapital İnvestisiya Şirkəti” QSC çıxış edir.

İstiqrazların emissiya parametrləri aşağıdakı kimidir:

•      İstiqrazların sayı: 500 000 ədəd

•      Nominal (ilkin ticarət) qiyməti: 100 manat

•      İllik gəlirlilik dərəcəsi: 10%

•      Tədavül müddəti: 1 il

•      Faizlərin ödəmə periodu: İlk istiqrazın yerləşdirildiyi tarixdən etibarən hər 30 təqvim günündən bir (aylıq ödəniş)

•      Dövlət qeydiyyat nömrəsi (ISIN): AZ2018005150

İstiqrazların emissiya prospekti BFB-nin rəsmi internet səhifəsində “Emitentin profili” bölməsində yerləşdirilib. Ticarətə rəsmi buraxılış tarixi isə emitent tərəfindən əlavə olaraq bildiriləcək.