11:34 - 3.04.2026
3 aprel, Fineko/abc.az. 2026-cı ilin mart ayı üzrə Bakı Fond Birjasında (BFB) ticarət olunan bazarlar üzrə əməliyyatların ümumi həcmi təxminən 10,8 milyard manat təşkil edib.
ABC.AZ birjanın açıqladığı statistikaya əsasən xəbər verir ki, hesabat dövründə ən böyük dövriyyə yenə də aparıcı investisiya şirkətlərinin payına düşüb.
Əməliyyat həcminə görə bazarın lideri “ABB Invest” olub. Şirkət üzrə dövriyyə 10,8 mlrd manata yaxın təşkil edib. İkinci yerdə “PAŞA Kapital” qərarlaşıb – şirkətin əməliyyat həcmi 4 mlrd manatdan çox olub. Sonrakı yerlərdə isə “CPM-Invest” (təxminən 2,5 mlrd manat) və “Unicapital” (1,8 mlrd manata yaxın) yer alıb.
Hesabat dövründə digər investisiya şirkətləri – “Invest-AZ”, “Assist Finance”, “Troni”, “Xalq Kapital” və digərləri də bazarda aktiv iştirak ediblər.
Bazar strukturuna gəldikdə, ən böyük pay yenə də repo əməliyyatları və dövlət istiqrazlarının üzərinə düşüb. Korporativ istiqrazlar və səhmlər üzrə əməliyyatlar isə ümumi dövriyyədə nisbətən daha az paya malik olub.
Mart ayı ərzində ən çox əməliyyat sayı da “ABB Invest” tərəfindən qeydə alınıb və şirkət üzrə əməliyyatların sayı 4,4 minə yaxın olub.
Ümumilikdə, açıqlanan göstəricilər Bakı Fond Birjasında ticarət aktivliyinin yüksək olaraq qaldığını və bazarda likvidliyin davam etdiyini göstərir.
