15:32 - 17.03.2026
17 mart, Fineko/abc.az. 2025-ci ildə Asiya İnkişaf Bankının (AİB) Azərbaycana birbaşa investisiyalarında həcmi 7,355 milyon ABŞ dolları təşkil edib.
ABC.AZ Azərbaycan Mərkəzi Bankına istinadən xəbər verir ki, bu, 2024-cü illə müqayisədə 14,081 milyon dollar və ya 2,9 dəfə azdır.
Hesabat ilində Azərbaycana birbaşa xarici investisiyaların ümumi həcmində AİB-də reallaşan investisiyaların payı 0,1% təşkil edib.
2024-cü il ərzində Asiya İnkişaf Bankından Azərbaycana birbaşa xarici investisiyaların ümumi həcmi 21,436 milyon dollara bərabər olmuşdu.
Qeyd edək ki, 2025-ci ildə Azərbaycan iqtisadiyyatına birbaşa xarici investisiyalar 6,595 milyard ABŞ dollarından çox olub. Bu isə 2024-cü ildəki göstəriciyə nisbətən 450,9 milyon ABŞ dolları və ya 6,4% azalma deməkdir.
Eyni zamanda hesabat ili ərzində Azərbaycandan xarici iqtisadiyyata yönəldilmiş birbaşa xarici investisiyaların həcmi isə 2,528 milyard ABŞ dolları olub ki, bu da 2024-cü ildəki göstərici ilə müqayisədə 765,4 milyon ABŞ dolları və ya 43,4% çoxdur.
