15:15 - 9.01.2026
9 yanvar, Fineko/abc.az. Donald Trampın geosiyasi ambisiyaları fond bazarlarını yenidən sarsıdıb. Onun Qrenlandiya üzərində nəzarəti ələ keçirmək niyyətini açıqlamasından sonra adanın iqtisadiyyatı ilə bağlı şirkətlərin səhm qiymətləri kəskin artıb, investorlar isə amerikalı kapitalın gəlməsini gözləyərək aktivləri kütləvi şəkildə alırlar.
ABC.AZ bildirir ki, bazar dərhal və kəskin reaksiya verib: Cənubi Qrenlandiyada geoloji kəşfiyyatla məşğul olan ABŞ-ın Critical Metals şirkətinin səhm qiymətləri ilin əvvəlindən 108% artıb, ən iri Qrenlandiya bankı “Grønlandsbanken”in səhmləri son həftədə 33% bahalaşıb, “Føroya Banki” isə noyabr ortasından etibarən təxminən 30% qiymət qazanıb.
Bu rallinin fonunda Ağ Evin ritorikası kəskinləşib, Tramp administrasiyasının nümayəndələri adanı ələ keçirmək üçün hətta qüvvə yolunu da istisna etməyiblər, bu isə Avropada narahatlıq yaradıb.
Kopenhagendə və Brüsseldəki rəsmilər belə hərəkətlərin Qərb alyansını zəiflədə biləcəyini xəbərdarlıq ediblər.
