11:17 - 8.09.2025

---

8 sentyabr, Fineko/abc.az. Qırğızıstanda Qazaxıstan, Qırğızıstan və Özbəkistan arasında su-enerji balansını tənzimləyən protokollar imzalanıb.

ABC.AZ xəbər verir ki, tərəflərin Qazaxıstan və Özbəkistandan Qırğızıstana elektrik enerjisinin ixracı müqabilində Toktoqul su anbarından suyun axıdılması ilə bağlı öhdəlikləri təmin edilmişdir.

Qazaxıstanın şəbəkələri vasitəsilə Rusiyadan Qırğızıstana elektrik enerjisinin daşınması Qaydaları da müəyyən edilmişdir.

Bundan əlavə, Özbəkistanla ikitərəfli formatda 2026-cı ilin mart-dekabr ayları arasında Qazaxıstana 900 milyon kvt/saat tədarük razılaşdırılıb.

Bu tədbirlər payız-qış dövründə çatışmazlıqların qarşısının alınmasına, enerji sisteminin sabitliyinin artırılmasına və gələcək mövsüm üçün su ehtiyatlarının toplanmasına yönəlib.