10:29 - 8.04.2025

---

8 aprel, Fineko/abc.az. İdxal rüsumlarının tətbiqi səbəbindən geniş miqyaslı satışlardan keçən Amerika fond bazarı istiqaməti tutub.

ABC.AZ xəbər verir ki, ABŞ prezidentinin ticarət və istehsal üzrə müşaviri Peter Navarro aprelin 7-də verdiyi müsahibədə belə bir fikir deyib.

O, yaxın gələcəkdə bir dönüş olacağına və istehsalı ABŞ-da yerləşən şirkətlərin bərpa prosesinə rəhbərlik edəcəyinə əminliyini ifadə edib.

"Bərpada məhz onlar lider olacaqlar", — Ağ Evin nümayəndəsi belə deyib.

Onun fikrincə, istehsalın lokallaşdırılması yeni ticarət şərtləri fonunda Amerika şirkətləri üçün əsas böyümə amili olacaqdır.

Xatırladaq ki, ABŞ fond bazarları bazar ertəsi günü ABŞ prezidenti Donald Trampın geniş miqyaslı idxal rüsumlarını elan etməsindən sonra azalmağa davam edib. Dow Jones indeksi 0,91% itirib, S&P 500 isə 0,23% korrektə olunub.