14:43 - 30.09.2024

---

30 sentyabr, Fineko/abc.az. ABŞ-da 45 min liman işçisinin vəd etdiyi tətil fermerləri tədarük gecikmələrinə və satışların azalmasına hazırlaşmağa məcbur etdi.

ABC.AZ xəbər verir ki, tətil oktyabrın 1-də, ABŞ prezident seçkilərindən bir neçə həftə əvvəl başlaya bilər. JPMorgan, qarşıdakı tətildən ABŞ iqtisadiyyatına dəyəcək ziyanı gündəlik 5 milyard dollar səviyyəsində qiymətləndirir. ABŞ dəniz idxalının təxminən yarısının keçdiyi 36 limanda işlərin dayandırılması planlaşdırılır.

Tətil ABŞ-ın dəniz kənd təsərrüfatı ixracatının təxminən 14%-ni təsir edəcək. Amerika fermer büroları Federasiyası, ixracatı həftədə 318 milyon dollar olaraq qiymətləndirir. Limanların dayandırılması ABŞ-da kənd təsərrüfatı məhsullarının dəniz idxalının 53%-nə təsir edəcək. Fermer Bürosu həcmi həftədə 1,1 milyard dollar dəyərləndirir.