16:29 - 22.08.2024
22 avqust, Fineko/abc.az. Azərbaycan və Özbəkistan arasında əməkdaşlığın daha bir istiqaməti mədən sənayesi sahəsində birgə layihələrin həyata keçirilməsidir. Hər iki ölkənin böyük xammal bazası var.
ABC.AZ xəbər verir ki, Özbəkistan-Azərbaycan biznes forumu çərçivəsində Özbəkistanın investisiya, sənaye və ticarət naziri Ləziz Kudratov qeyd edib ki, Özbəkistan Azərbaycan ərazisində faydalı qazıntıları mənimsəməyə, o cümlədən Azərbaycanın işğaldan azad edilmiş ərazilərində bərpa işlərində bundan sonra istifadə üçün tikinti materiallarının istehsalını təşkil etməyə hazırdır.
Onun sözlərinə görə, energetika və neft-qaz sənayesi sahəsində əməkdaşlıq yaxşı dinamika alıb. Tərəflər yaşıl enerji istehsalı və onun Azərbaycan vasitəsilə Avropa ölkələrinə irəlidəki ixracı layihəsi üzərində işləyirlər.
