15:15 - 2.08.2024

---

2 avqust, Fineko/abc.az. Türkiyə Respublikası Mərkəzi Bankı (TCMB) avqustun 8-də Ankarada ilin 3-cü İnflyasiya Hesabatını açıqlayacaq.

ABC.AZ xəbər verir ki, TCMB-nin verdiyi açıqlamaya görə, prezident  Fatih Karahan 8 avqust saat 10.30-da TCMB İdarə Mərkəzində 2024-III İnflyasiya Hesabatını təqdim etmək üçün məlumat toplantısı keçirəcək.

İlin 2-ci İnflyasiya Hesabatı yığıncağında TCMB 2024-cü il üçün inflyasiya proqnozunu 2 bənd yeniləyərək 38 faizə endirib, 2025 və 2026-cı il proqnozlarını isə müvafiq olaraq 14 faiz və 9 faiz səviyyəsində saxlayıb.