11:44 - 5.07.2024

---

5 iyul, Fineko/abc.az. Bu il iyunun 1-nə Azərbaycan banklarının xalis daxili aktivləri 20 milyard 274 milyon manat təşkil edib.

ABC.AZ Mərkəzi Bankına istinadən xəbər verir ki, bu, aylıq müqayisədə 1 milyard 66,4 milyon manat və ya 5,6%, ilin əvvəlinə nisbətən 417,1 milyon manat və ya 2,1%, ötən il iyunun 1-i ilə müqayisədə isə 1 milyard 353,8 milyon manat və ya 7,2% çoxdur.

Qeyd edək ki, Azərbaycan banklarının xalis daxili aktivləri bu ilin mayın 1-nə 19 milyard 207,6 milyon manat, ilin əvvəlinə 19 milyard 856,9 milyon manat, ötən ilin iyun ayının 1-nə 18 milyard 920,2 milyon manat təşkil edib.