14:01 - 13.06.2024

---

13 iyun, Fineko/abc.az. “Azerbaijan International Mining Company Limited” (AIMC – Böyük Britaniyanın qızıl mədən şirkəti olan “Anglo-Asian Mining”in törəmə şirkəti) Azərbaycan hökumətindən Gədəbəy yatağındakı tullantı bəndinin divarının qaldırılmasına icazə alıb.

ABC.AZ xəbər verir ki, bu barədə AİMC-dən bildirilib.

“AIMC mövcud tullantı bəndinin divarının qaldırılması üçün Fövqəladə Hallar Nazirliyindən texniki təsdiq və Azərbaycan Ekologiya və Təbii Sərvətlər Nazirliyindən müsbət ekoloji hesabat alıb. Tikinti işlərinə başlanılmasına icazə Dövlət Arxitektura və Şəhərsalma Komitəsi, Gədəbəy Rayon İcra Hakimiyyəti kimi dövlət qurumlarının müəyyən inzibati rəsmiləşdirmələrdən asılıdır və bu prosesin yaxın vaxtlarda başa çatdırılması nəzərdə tutulur”, – məlumatda bildirilib.