12:00 - 15.05.2024

---

15 may, Fineko/abc.az. Bu günə kimi 20-dən çox ödəniş və elektron pul təşkilatı Mərkəzi Banka lisenziya almaq üçün müraciət edib.

ABC.AZ xəbər verir ki, bunu Mərkəzi Bank sədrinin müavini Rəşad Orucov Bakıda keçirilən Fintex Sammitində deyib.

O bildirib ki, Mərkəzi Bank tərəfindən müvafiq müraciətlərə baxılaraq, təşkilatlarla aktiv kommunikasiya çərçivəsində zəruri hüquqi dəstək göstərilməkdədir.

Onun sözlərinə görə, cari ayın sonunadək bütün qanunvericilik tələblərinə cavab verən təşkilatlara lisenziyaların verilməsinə başlanılması nəzərdə tutulur.