15:36 - 29.04.2024

---

29 aprel, Fineko/abc.az. Son dövrlər kredit potfelində azalma davam edən "NaxçıvanBank"da maliyyə durumu heç də ürəkaçan deyil.

ABC.AZ xəbər verir ki, 2024-cü ilin ilk rübündə «Naxçıvanbank»ın istehlak kreditləri portfeli 8 dəfəyə yaxın kiçilib.

Belə ki, rübün sonuna bankın istehlak kreditləri portfeli 789 min manat təşkil edib ki, bu da ilin əvvəlindəki 6 milyon 35 min manatla müqayisədə 7,6 dəfə azdır.

Qeyd edək ki, istehlak kreditləri ilə yanaşı, bankın biznes kreditləri də azalır.

Belə ki, rüb ərzində bankın biznes kreditləri 21,5 milyon manat və ya 22% azalaraq 76,6 milyon manata enib.

Müəllif: Elmir Murad