10:26 - 29.04.2024

---

29 aprel, Fineko/abc.az. Türkiyənin dəri məmulatlarının istehsalı üzrə ixtisaslaşmış “Birlik Deri” şirkətinə Ağdam Sənaye Parkının rezidenti statusu veriləcək.

ABC.AZ xəbər verir ki, bu barədə Azərbaycanın İstanbuldakı Baş Konsulluğu yanında Ticarət Nümayəndəliyi məlumat yayıb.

Məlumata görə, şirkət Qarabağ iqtisadi rayonunda fəaliyyətini inkişaf etdirməyi planlaşdırır.

“Azərbaycanda aprelin 25-də keçirilmiş Sahibkarlar Günündə “Birlik Deri” şirkətinə rezident statusunun verilməsi qərara alınıb”, - nümayəndəlikdən bildirilib.

Məlumatda qeyd olunub ki, Türkiyə şirkətinin sahibi Burhan Demirsesin Ticarət Nümayəndəliyində ilk görüşü 2023-cü il noyabrın 24-də baş tutub və o, şirkətin Qarabağın bərpasında iştirak etmək niyyətini açıqlayıb: “Birlik Deri”nin Ağdam Sənaye Parkında gələcək fəaliyyəti Qarabağ regionunun inkişafına, buraya qayıdan əhalinin məşğulluğuna və sosial-iqtisadi rifahının yaxşılaşmasına töhfə verəcək”.(Report)