12:25 - 11.12.2023

---

11 dekabr, Fineko/abc.az. Bu ilin 11 ayında Dövlət Vergi Xidmətinin xətti ilə dövlət büdcəsinə vergi daxilolmalarının həcmi ötən ilin eyni dövrü ilə müqayisədə 4.1% artıb.

ABC.AZ xəbər verir ki, bu barədə İqtisadiyyat naziri Mikayıl Cabbarov məlumat verib.

O bildirib ki, artımdan sonra dövlət büdəcsinə daxil olan vəsait 15 milyard 337.7 milyon manat olub.

Bu müddətdə qeyri-neft-qaz sektorundan vergi daxilolmaları isə ötən ilin müvafiq dövrü ilə müqayisədə 18.9% artaraq 9 milyard 015.8 milyon manat təşkil edib.

“Ölkəmizdə aparılan səmərəli vergi siyasəti qeyri-neft-qaz sektorundan vergi daxilolmalarının yüksək dinamikasını təmin etməklə dayanıqlı iqtisadi artıma əhəmiyyətli töhfə verir”, – nazir əlavə edib.