11:24 - 4.12.2023

---

4 dekabr, Fineko/abc.az. Türkiyədə illik inflyasiya durmadan artır və noyabrda yenə də çoxalma olub.

ABC.AZ-ın xarici mətbuata istinadən xəbər verir ki, noyabr ayında Türkiyədə cari ilin noyabr ayında inflyasiya 61.98% təşkil edib.

Oktyabr ayında bu rəqəm 61.36% idi. Noyabr ayında istehlak qiymətləri indeksi əvvəlki aya görə 3.28%, 2023-cü ilin əvvəli ilə müqayisədə isə 60.09% artıb.

Qeyd edək ki, əvvəlki ilin eyni ayına nisbətən ən az artım göstərən əsas qrup 37.54% ilə mənzil qiymətləri, əvvəlki ilin eyni ayına nisbətən ən çox artım qeydə alınan əsas qrup isə 92.86% ilə restoran və otellər qiymətləri olub.