14:46 - 16.11.2023

---

16 noyabr, Fineko/abc.az. Azərbaycanda fəaliyyət göstərən 24 bankdan 12-si mənfəət vergisi ödəmək üçün ilin sonunu gözləməyib.

ABC.AZ "Renkinq"ə istinadla xəbər verir ki, bunlar, "Azərbaycan Beynəlxalq Bankı" (ABB), "Kapital Bank", "PAŞA Bank", "Bank of Baku", “Bank Respublika”, "Xalq Bank", “Rabitəbank”, “Azər-Türk Bank”, "Express Bank", “Naxçıvan Bank” və “Azərbaycan Sənaye Bankı” (ASB) ASC-lər, eləcə də "Yapı Kredi Bank Azərbaycan" QSC-dir.

Adları çəkilən banklar bu ilin yanvar-sentyabr aylarında dövlət büdcəsinə ümumilikdə 218,085 milyon manat mənfəət vergisi ödəyiblər. Bu baxımdan ən yüksək göstərici ABB-də (84,881 milyon manat), ən aşağı göstərici isə ASB-də (890 min manat) qeydə alınıb.