10:27 - 31.10.2023

---

31 oktyabr, Fineko/abc.az. Sahibkarlığın İnkişafı Fondu (SİF) və Naxçıvan Muxtar Respublikasının İqtisadiyyat Nazirliyi Fondun 5 müvəkkil kredit təşkilatı ilə görüşlər keçirib. 

ABC.AZ xəbər verir ki, görüşdə “Kapital Bank”, “Azərbaycan Beynəlxalq Bankı”, “Bank Respublika”, “AccessBank” və “Aqrarkredit”in rəhbərlərinin iştirak etdiyi görüşlərdə muxtar respublikanın biznes mühiti və burada fəaliyyət göstərən sahibkarların maliyyə resurslarına əlçatanlığı müzakirə edilib.

Bildirilib ki, SİF-in müvəkkil kredit təşkilatları vasitəsilə Naxçıvan MR-də fəaliyyət göstərən 20 sahibkara ümumilikdə 1,4 milyon manata yaxın güzəştli kredit verilib.

Görüşlərin keçirilməsində əsas məqsəd Naxçıvanda bizneslərin maliyyə resurslarına əlçatanlığının artırılması istiqamətində dövlət və özəl sektor əməkdaşlığını gücləndirməkdir.