14:04 - 20.07.2023

---

20 iyul, Fineko/abc.az. Azərbaycanda fəaliyyət göstərən 52 bank olmayan kredit təşkilatından (BOKT) 6-nın bu il yanvarın 1-nə balans kapitalı 15 milyon manatdan çox olub.

ABC.AZ “Renkinq”ə istinadla xəbər verir ki, bunlar, “Aqrarkredit” (48,987 milyon manat), “Birkart” (30,705 milyon manat), “M Bulak” (19,278 milyon manat), “PSG Finans” (18,225 milyon manat), “Embafinans” (16,269 milyon manat) və “FİNKA Azərbaycan”dır (16,245 milyon manat).

Qalan 46 BOKT-dan 3-nün balans kapitalı 10-15 milyon manat arasında, 26-nın balans kapitalı 1-10 milyon manat arasında, 17-nin balans kapitalı isə 1 milyon manatdan azdır.