11:20 - 24.06.2023

---

24 iyun, Fineko/abc.az. Azərbaycanda fəaliyyət göstərən 13 investisiya şirkətindən 3-nün ötən il mənfəət vergisi ödəmələri 300 min manatdan çox olub.

ABC.AZ “Renkinq”-ə istinadla xəbər verir ki, bunlar “PAŞA Kapital” (898 min manat), “İnvest-AZ” (441 min manat) və “CPM-Invest” (315 min manat) investisiya şirkətləridir.

Qalan 10 investisiya şirkətindən 4-də mənfəət vergisi ödəmələri 100-300 min manat arasında, 2-də isə 100 min manatdan azdır. 4 investisiya şirkəti – “Capital Partners”, “MFX-Trading”, “Plato Capital and Co.” və “Trono” isə ötən ili zərərlə başa vurduqları üçün mənfəət vergisi ödəməyiblər.