17:45 - 15.05.2023

---

15 may, Fineko/abc.az. Xəbər verdiyimiz kimi, Ağahüseyn Xudaverdiyev Azərbaycan Republikası Milli Depozit Mərkəzinə sədr təyin olunub.

ABC.AZ-ın məlumatına görə, Mərkəzə direktor təyin olunan Ağahüseyn Kamal oğlu Xudaverdiyev, 1976-cı ildə Bakıda doğulub.

O, 1983-1993-cü illərdə Səbail rayonu 189 saylı orta məktəbdə təhsil alıb.

A.Xudaverdiyev 1993-1997-ci illərdə Azərbaycan Dövlət Mədəniyyət və İncəsənət Universitetinin “Mədəniyyət müəssisələri üzrə menecment” fakültəsində ali təhsil alıb.

Yeni direktor 1999-2001-ci illərdə “Təfəkkür” Universitetinin “İqtisadiyyatın hüquqi tənzimlənməsi” ixtisası üzrə magistr təhsili alıb.

O, 2001-2004-cü illərdə Prezidenti yanında Dövlət İdarəçilik Akademiyasının “Dövlət və bələdiyyə idarəetməsi” fakültəsində təhsil alıb və oranı fərqlənmə diplomu ilə bitirib.

Əmək fəaliyyətinə 1999-cu ildə Prezident yanında Qiymətli Kağızlar üzrə Dövlət Komitəsində Qiymətli kağızların tədavülünün tənzimlənməsi departamentində aparıcı mütəxəssis vəzifəsində başlayıb.

2002-ci ildə sözügedən qurumda tədavülünün tənzimlənməsi departamentinin baş mütəxəssisi, sonradan isə Korporativ qiymətli kağızların tədavülünün tənzimlənməsi şöbəsinin rəisi vəzifəsinə təyin olunub, 2003-cü ildə Qiymətli kağızların tədavülünün tənzimlənməsi şöbəsinin Korporativ qiymətli kağızların tədavülünün tənzimlənməsi sektorunun müdiri işləyib.

2010-cu ildə həmin Komitədə Tədavülün tənzimlənməsi şöbəsinin müdiri vəzifələrini icra edib.

A.Xudaverdiyev 2010-cu ilin iyul ayından 2016-cı ilin mart ayınadək Komitədə Tədavülün tənzimlənməsi şöbəsinin müdiri vəzifəsində çalışıb. 2016-cı ildə Dövlət qulluğunun müşaviri ixtisas dərəcəsi alan direktor Prezidentin 2013-cü il 4 sentyabr tarixli 3118 nömrəli Sərəncamı ilə “Dövlət qulluğunda fərqlənməyə görə” medalı ilə təltif edilib.

A.Xudaverdiyev ailəlidir, 2 övladı var.