17:43 - 12.06.2018
12 iyun, Fineko/abc.az. Azərbaycan Respublikası Maliyyə Nazirliyi bu gün Bakı Fond Birjası (BFB) vasitəsi ilə dövlət ortamüddətli istiqrazları (DOİ) yerləşdirib.
BFB xəbər verir ki, bu gün AZ0105010695 ISIN-li, 30 milyon manat həcmində, tədavül müddəti 728 gün təşkil edən DOİ buraxılışı yerləşdirilmişdir.
13 investordan 104 482,0 min manat məbləğində 29 sifariş daxil olmuşdur. Sifarişlər, bir istiqraza 96,4540 AZN-dən (illik gəlirlik iddiası 10,00%) 100,1817 AZN-ə qədər (7,90%) qiymət intervalında təqdim edilmişdir.
Maliyyə Nazirliyinin qərarına əsasən, istiqrazların kəsmə qiyməti 99,0978 AZN (gəlirlik 8,50%), orta ölçülmüş qiyməti isə 99,2710 AZN (8,4035%) səviyyəsində müəyyən edilmişdir.
Nəticədə, 30 milyon manat həcmində DOİ yerləşdirilmişdir.
DOİ-nin ödəmə tarixi: 9 iyun 2020-ci il.
