16:07 - 22.12.2022

---

22 dekabr, Fineko/abc.az. Türkiyə Cümhuriyyəti Mərkəzi Bankı (TCMB) dekabrın 22-də keçirilmiş ilin son iclasında bazar gözləntilərinə uyğun olaraq faiz dərəcəsini 9 faiz səviyyəsində saxlayıb.

ABC.AZ xəbər verir ki, Bankın bununla bağlı açıqlamasında «Qlobal tələbat üçün artan risklər nəzərə alınmaqla, cari siyasət dərəcəsi kifayət qədər səviyyədə hesab olunur»-deyə bildirilir.

Xatırladaq ki, bundan bir qədər əvvəl sorğuda iştirak edən qurumların gözləntisi də faiz dərəcəsinin dəyişdirilməyəcəyi idi.