12:43 - 13.12.2022

---

13 dekabr, Fineko/abc.az. Azərbaycan Mərkəzi Bankı (AMB) Dövlət Neft Fondunun iştirakı ilə valyuta hərracı keçirib.

AMB-nin məlumatına görə, dekabrın 13-də keçirilən valyuta hərracında 53,7 milyon dollar satılıb ki, bu da ötən hərracdan 7,6 milyon dollar (12,4%) azdır. Dekabrın 8-də keçirilən hərracda AMB banklara 61,3 milyon dollar dəyərində valyuta satıb.

"Valyuta hərracında bankların tələbi 53,7 milyon dollar təşkil edib və tam təmin edilib", - AMB-nin məlumatında belə deyilir.

Hərracın yekunlarına əsasən manatın ortaçəkili məzənnəsi 1,7000 AZN / USD səviyyəsində formalaşıb.