17:23 - 23.11.2022

---

23 noyabr, Fineko/abc.az. 2022-ci ilin yanvar-oktyabr aylarında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində antiinhisar qanunvericiliyinin pozulması əlamətləri üzrə 14 iş qaldırılıb, 14 işin baxılması başa çatıb.

Xidmətdən ABC.AZ-a daxil olan məlumata görə, baxılmış işlər üzrə 1,9 milyon manat maliyyə sanksiyası tətbiq edilib.

Qeyd edək ki, 2021-ci ilin yanvar-oktyabr aylarında İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətində antiinhisar qanunvericiliyinin pozulması əlamətləri üzrə 7 iş qaldırılmış, 5 işin baxılması başa çatdırılmış və 11 min manat maliyyə sanksiyası tətbiq edilmişdi.

Beləliklə, tətbiq edilmiş maliyyə sanksiyalarının cəmi məbləği təxminən 173 dəfə artıb.