10:44 - 21.09.2022

---

21 sentyabr, Fineko/abc.az. Valyuta bazarlarında 2022-ci ilin sonuna kimi ABŞ Federal Ehtiyat Sisteminin (FED, ABŞ Mərkəzi Bankı) faiz dərəcələrini 4,25-4,5 faizə qaldıracağı qiymətləndirilir.

ABC.AZ-ın məlumatına görə, bu o deməkdir ki, FED sentyabr, noyabr və dekabr iclaslarında uçot dərəcəsini ümumilikdə 200 bənd artıracaq.

Dolların 6 valyuta qarşısında performansını izləyən və 110-dan yuxarı olan Dollar indeksi son 20 ilin ən yüksək göstəricisindən uzaqlaşmır.

Bu gün FED-dən proqnozun (75 bənd) üzərində - 100 bənd faiz artımı olacağı təqdirdə indeksin 20 ilin zirvəsi olan 110, 786 səviyyəsini keçə biləcəyi qeyd olunur.