10:56 - 7.09.2022

---

7 sentyabr, Fineko/abc.az. Azərbaycanda fəaliyyət göstərən 56 bank olmayan kredit təşkilatından (BOKT) 5-nin bu il yanvarın 1-nə kredit portfeli 20 milyon manatdan çox olub.

ABC.AZ xəbər verir ki, bunlar “Aqrarkredit” (83 milyon 958 min manat), “FİNKA Azərbaycan” (29 milyon 65 min manat), “Embafinans” (26 milyon 2 min manat), “Finoko” (23 milyon 96 min manat) və “Para” (22 milyon 999 min manat) BOKT-lardır.

Qalan 51 BOKT-dan 7-nin kredit portfeli 10-20 milyon manat arasında, 21 BOKT-un kredit portfeli 1-10 milyon manat arasında, 12 BOKT-un kredit portfeli isə 1 milyon manatdan azdır.