11:32 - 22.08.2022

---

22 avqust, Fineko/abc.az. 2022-ci ilin 1-ci yarısında manatın məzənnəsi ticarət tərəfdaşı olan ölkələrin valyutalarına qarşı əsasən möhkəmlənmə istiqamətində dəyişib.

ABC.AZ-ın məlumatına görə, Mərkəzi Bankın “Pul siyasəti icmalı"nda bildirilir ki, manatın məzənnəsi avroya, Türkiyə lirəsinə, İngiltərə funt-sterlinqinə, Qazax tengəsinə, Yaponiya yeninə, İsveçrə frankına, Ukrayna qrivnasına qarşı bahalaşmış, Rusiya rubluna və Gürcüstan larisinə qarşı ucuzlaşıb.

İkitərəfli məzənnələrin dinamikası çoxtərəfli məzənnənin dinamikasına da təsir göstərib. Ümumilikdə, dövr ərzində manatın qeyri-neft ümumi ticarət çəkili nominal effektiv məzənnəsi 3.6% möhkəmlənmiş, real effektiv məzənnəsi isə 5.7% ucuzlaşıb.

Müəllif: Elmir Murad