10:50 - 30.04.2021

---

30 aprel, Fineko/abc.az. Bu gün Mərkəzi Bankın İdarə Heyəti faiz dəhlizinin parametrləri barədə növbəti qərarını açıqlayacaq.

ABC.AZ-ın məlumatına görə, bundan öncəki yığıncaqda - Mərkəzi Bankın İdarə Heyəti faiz dəhlizi parametrlərinin dəyişməz saxlanılması haqda qərar qəbul etmişdi.

Uçot dərəcəsi 6.25%, dəhlizin aşağı həddi 5.75%, yuxarı həddi isə 6.75% səviyyəsində saxlanılmışdı.

Qeyd edək ki, qərar inflyasiyanın dəyişimi üzrə son meyillər, xərc və tələb amillərinin qısa və ortamüddətli dövrdə qiymətlərə mümkün təsirləri nəzərə alınmaqla qəbul edilmişdi.

Müəllif: Elmir Murad