14:39 - 12.01.2021

---

12 yanvar, Fineko/abc.az. Xəbər verdiyimiz kimi Mərkəzi Bank manatın məzənnəsi barədə açıqlama yayıb.

ABC.AZ-ın məlumatına görə, ölkənin əsas Bankından son günlər bəzi internet səhifələrində guya bankların qeyri-nağd ABŞ dolları satışlarında problem olduğunu və bunun valyuta hərracları ilə bağlı olduğunu iddia edən fikirlərin əsassız olduğu bildirilib.

"Bildiririk ki, Mərkəzi Bank tərəfindən valyuta hərracları həftədə 2 dəfə (çərşənbə axşamı və cümə axşamı) keçirilir və bu hərraclarda bankların həm nağd, həm də qeyri-nağd valyuta üzrə tələbləri tam təmin edilir. Bir daha vurğulamaq istərdik ki, 2017-ci ildən başlayaraq artıq 4 il ərzində milli valyutanın məzənnəsi sabitdir və cari ildə də Mərkəzi Bank tərəfindən valyuta bazarında stabilliyin tәmin edilməsi diqqət mərkəzində saxlanılacaq" deyə Mərkəzi Bankdan vurğulanıb.

Müəllif: Elmir Murad